اول مسار عملته كان بايسلاند, مشيت 4 ايام, بس قبل ما اطلع واصلا افكر انه بدي اعمل مسار, كنت مش فاهمة وين عنجد انا رايحة, حتى قبل باكم يوم من المسار حسيت اني خايفة، خايفة اني رح اكون بنص ولا محل وكمان اجرب اشي بعرفوش..بعدين قلت لويش عم بفكر هالقد؟ خلص بدي اعمل مسار وبدي انبسط للاخر..وتحول هذا الخوف لشعور بالحماس

 

بعد هدا المسار فهمت اني بعرفش كيف كنت عايشة قبل هيك تجربة! في جزء قوي كتير عرفته عن حالي وهناك تغير تعريفي لكلمة خوف وصغرت كل الحدود اللي كنت حاطتها لحالي

 

والصراحة الاهم, عرفت انه الجبل صار صديقي, صديقي اللي رح يرافقني دايما.

هاي السلسلة نبنت عشان اشوف كمان وكمان نساء تحس بهاي القوة الموجودة بالجبال ومش بأي محل تاني.. والخوف وعدم المعرفة بنفع تتخطيهن وتوصلي لمحلات كتير ابعد من شو مفكرة بتقدري