top of page
اهلا وسهلا فيكوا
أهداف
انا حنان تناصرة, شغوفة بالمسارات جدا, ومن زمان بحلم بعالم الجبال والطبيعة, بس للاسف ما لقيت بيئة مشجعة والسبب اني بنت. هاي المنصة عملتها لأغير الافكار المسبقة عن النساء واغير كيف منشوف حالنا بالمجتمع.
انا خلقت بمجتمع محافظ اللي بفضل يشجع الانثى تبقى بالبيت, بس بجيل ال23 بديت امشي جبال وفهمت قدي خسرت كل هاي السنين, مش بس اكتشفت حبي للطبيعة , انما اكتشفت قدي تغيرت كشخص, اكتشفت قدي بقدر اكون خليط لامراة مستقلة بتشتغل وبتعمل مسارات.
ومع الوقت حسيت قدي نفسي اشجع نساء غيري بانهن يكتشفوا شو الطبيعة بتخبيلهن.
حسب رايي, الانثى مصنفه مع المكياج, الاظافر, الفساتين, الكعب بس برضو بنفع نغير الصورة هاي لانه الاناث كمان عندهن بوط مسارات, خيمة عظهرهن وبقدرو يناموا بكيس للنوم ويمشوا مسار طويل وهاد واحد من اسباب بدايه هاد البلوج : نعمل معايير انثوية جديدة.
بنفع تكوني البنت اللي مع وبلا مكياج, تكوني شو بتحبي وانت تقرري شو بتجبي وشو لا. اجى الوقت ننهي فكرة حدا يقلنا شو نعمل وشو نكون. حسب رايي الشخصي, فش اشي افضل من المسارات عشان اكتشف ذاتي, اكون بمسيرة مع نفسي كخطوه تجاه الحرية, هي تغامر هو حلمي الصغير تجاه مجتمعي النسائي والعربي.
اهلا, انا حنان!
Follow us on Instagram __she.hikes__
bottom of page